தீபத்திருநாள்- கவிதை ஆக்கம்- காரஞ்சன்(சேஷ்)

இத்தனை நாளும் இருண்ட வானம்,
இனி ஓளி தரவே ஏற்றுவீர் தீபம்!
வறியவர் வாழ்வில் விடியல் மலர,
விழைந்து ஏற்றுவீர் வீடெங்கும் தீபம்!
கல்லாமை இருள் இல்லாமல் ஒழிய,
கற்றோர் ஏற்றுவீர் கல்வி எனும் தீபம்!
உழவும் தொழிலும் உயர்நிலை பெறவே,
உவந்து ஏற்றுவீர் உழைப்பெனும் தீபம்!
மன இருள் நீங்கி, மனைநலம் சிறக்க.
மங்கையர் ஏற்றுவீர் மஙகல தீபம்!
தீமை நீங்கி, நன்மை தழைக்க
தீபத் திருநாளில்
குவலயம் எங்கும் குன்றின்மேல் தீபம்!
                                            சேஷாத்ரி

பட உதவிக்கு கூகிளுக்கு நன்றி