அனைவருக்கும் என் புத்தாண்டு நல்வாழ்த்துக்கள்!
வருக புத்தாண்டே! வருக! வருக!
ஈராறுடன் இன்னும் ஒன்றிணைந்திட
வருக புத்தாண்டே! வருக! வருக!
அமைதி நல்கிடும் ஆண்டென வருக!
ஆற்றொணாத் துயர்களை அகற்றிட வருக!
இன்சொல் எங்கும் எதிரொலித்திடுக!
ஈகைக்குணம் எங்கும் நிறைந்திட
உழவும் தொழிலும் உலகினில் ஓங்கிட
ஊற்றாய் எங்கும் உவகை பொங்கிட
எங்கும் மங்கலம் என்றும் தங்கிட
ஏற்றம் அளிக்கும் ஆண்டென வருக!
ஐயம் போக்கி அறங்கள் தழைத்திட
ஒற்றுமை உணர்வு உலகெலாம் உதித்திட
ஓரணி நின்று வன்முறை ஒழித்திட
ஒளடதம் பெருகி உறுபிணி அகற்றிட
உறுதியும் திறனும் அருள்க புத்தாண்டே!
- காரஞ்சன் (சேஷ்)
